तिरंगा फहराबो

तिरंगा फहराबो

---------------

चलौ तिरंगा ला फहराबो।

 आजादी के परब मनाबो।

राष्ट्रगान जन-गण-मन गाबो।

मातृभूमि ला माथ नँवाबो।

आय हमर अभिमान तिरंगा।

आन-बान अउ शान तिरंगा।

भारत के पहिचान तिरंगा।

सबके प्रान समान तिरंगा।

बापू के करबो जयकारा।

जय सुभाष जय शेखर प्यारा।

झूलिन फाँसी गेइन कारा।

अमर क्रांतिकारी सब न्यारा।

स्वतंत्रता उँकरे बल आइस।

भारत माता हा मुस्काइस।

नवा अँजोर सुरुज बगराइस।

दुख के दिन हा उट्ठ पराइस।

चोवा राम 'बादल '

हथबंद, छत्तीसगढ़