बाल कविता - मथुरा प्रसाद वर्मा
बाल कविता - मथुरा प्रसाद वर्मा
बरसा
फर फर फर फर पाना डोले।
सन सन सन सन हावा बोले।
करिया करिया बादर छा गे।
अब सब झन के मन हरियागे।
झर झर झर झर बरसे पानी।
होगे चिखला कर मनमानी।
मथुरा प्रसाद वर्मा
ग्राम- कोलिहा बलौदाबाजार
बाल कविता - राकेश कुमार साहू
बाल कविता - राकेश कुमार साहू *पुतरा-पुतरी के बिहाव* होवत पुतरा -पुतरी के बिहाव। सुग्धर लागत हाबय गाँव । बइठे हे सब पीपर के छाँव। होवत पुतरा- पुतरी के बिहाव। नान नान लइका थारी बजावत हे। धरे हाबय करसा, मड़वा सजावत हे। माढ़े हे पर्रा, तेल हरदी चढ़ावत हे। चलव मांदी मा चना मुर्रा ला खाव। होवत पुतरा- पुतरी के बिहाव। सुग्धर लागत हाबय गाँव । राकेश कुमार साहू ग्राम सारागांव विकासखंड धरसींवा जिला-रायपुर छतीसगढ़
Comments
Post a Comment