बाल कविता कवि - पुरुषोत्तम ठेठवार ( ठेठ )

 बाल कविता 

कवि - पुरुषोत्तम ठेठवार  ( ठेठ ) 

बादर करिया 

बादर करिया आय हे 

पानी पोठ गिराय हे 

मेचका करथे टर टर टर 

चमके बिजुरी लागे डर ।।


पानी पानी खेती खार 

नरुवा नदिया बोहय धार 

तरिया डबरी मा पानी 

बरसत हे बरसा रानी ।।


अर तता के लागे सोर 

करो किसानी जाँगर टोर 

बासी खाके जोतव नाँगर 

बज्जर करके पेरव जाँगर ।।


अन भारी उपजाव जी

उरिद मूंग कमाव जी

बरसत हे करिया बादर 

धान कमा लव जी आगर ।।

Comments

Post a Comment

Popular posts from this blog

बाल कविता - राकेश कुमार साहू

 बाल कविता - राकेश कुमार साहू    *पुतरा-पुतरी के बिहाव*  होवत पुतरा -पुतरी के बिहाव। सुग्धर लागत हाबय गाँव ।  बइठे हे सब पीपर के छाँव। होवत पुतरा- पुतरी के बिहाव। नान नान लइका थारी बजावत हे। धरे हाबय करसा, मड़वा सजावत हे। माढ़े हे पर्रा, तेल हरदी चढ़ावत हे। चलव मांदी मा चना मुर्रा ला खाव। होवत पुतरा- पुतरी के बिहाव। सुग्धर लागत हाबय गाँव । राकेश कुमार साहू  ग्राम सारागांव विकासखंड धरसींवा जिला-रायपुर छतीसगढ़
Read more

बाल कविता-

 बाल कविता- चल संगी चल, आमा टोरे ल जाबो।  खुरहोरी कस मिठाथे,  छक्कत ले खाबो।  चल संगी चल,  आमा टोरे ल जाबो।  दिनमान जाबे त  रखवार हर कुदाथे।  एक्को ठन देवय नहीं, अकेल्ला खाथे।  चुपेचुप रात कन, टोर के हम लाबो।  चल संगी चल, आमा टोरे ल जाबो।   घुघवा के आँखी  घरखुसरा कस चाल।  चमगेदरी कस झुलबो, करबो बारा हाल।  खावत ले खा के, झोला भर लाबो।   चल संगी चल  आमा टोरे ल जाबो।  दिलीप कुमार वर्मा  बलौदाबाजार
Read more

बाल कविता *मुनु बिलाई*

 बाल कविता *मुनु बिलाई* देख तो दाई-देख तो दाई, घर मा आगे-मुनु बिलाई, थोरको नइ डेरावत हे, म्याऊ म्याऊ नरियावत हे, चढ़गे हावय कोठी मा, मार ना ओला लउठी मा, लउठी मा जब लागही, खदबद-खदबद भागही, देख तो दाई-देख तो दाई, घर मा आगे-मुनु बिलाई, कृष्णा पारकर सीपत बिलासपुर (छत्तीसगढ़)
Read more