बाल गीत *मोबाइल*
बाल गीत
*मोबाइल*
बड़े-बड़े मोबाइल टावर,
येला चाही बिजली पावर।
डॅंग डॅंग ले वो ठाढ़े हावै,
चार गोड़ मा माढ़े हावै।
डिट्टो लगथे सरग निशेनी,
जइसे मुड़ मा खोपा बेनी।
काम हवय बिजली के गहरा,
तुरत बनाथे चुंबक लहरा।
उप्पर उप्पर पवन डहर ले,
गोठ बात हा चले लहर ले।
शोर खबर ला भेजे फन फन,
रिंग टोन हा बाजे घन-घन।
गोठ करे बर परदा खोलो,
बटन चपक के हैलो बोलो।।
महेंद्र कुमार बघेल
Comments
Post a Comment