बाल गीत - बोधन राम निषादराज
बाल गीत - बोधन राम निषादराज
विषय - गरमी छुट्टी
खुशी मनाबो छुट्टी होगे।
बड़ इतराबो छुट्टी होगे।।
सँगवारी मन देखत होही,
मजा उड़ाबो छुट्टी होगे।
ममा गाँव के सुरता आगे,
जल्दी जाबो छुट्टी होगे।
खेल खिलौना माढ़े देखव,
चलौ सजाबो छुट्टी होगे।
बाग बगइचा सुन्ना होही,
धूम मचाबो छुट्टी होगे।
रचनाकार:-
बोधन राम निषादराज"विनायक"
सहसपुर लोहारा,जिला-कबीरधाम(छ.ग.)
Comments
Post a Comment