बाल गीत - बोधन राम निषादराज विषय - शिक्षा
बाल गीत - बोधन राम निषादराज
विषय - शिक्षा
गोंटा पथरा आवव बिन लौ।
एक तीन अउ दो ला गिन लौ।।
गिनती सुग्घर लिखबो भाई।
खुश हो जाही हमरो दाई।।
वन-टू-थ्री अउ फोर पढ़ाबो।
शिक्षा के सब गुन ला गा बो।।
जोड़ - घटना करबो सुग्घर।
गुणा - भाग मन धरबो सुग्घर।।
खेल - खेल मा शिक्षा पाबो।
पढ़े लिखे मनखे बन जाबो।।
रचनाकार:-
बोधन राम निषादराज"विनायक"
सहसपुर लोहारा,जिला-कबीरधाम(छ.ग.)
Comments
Post a Comment