हाथी- मिनेश साहू
हाथी- मिनेश साहू
हाथी आगे, हमर गाँव
लंबा मोटहा,ओखर पाँव
सुपा जइसन,हावै कान
खाथे पेड़ के, डारा पान
पाछू मा लइका, मन घूमै
धरती दाई ला, हाथी चूमै
रुपिया पैसा, कोनो देवय
ऊपर बैठ बड़,मजा लेवय
कोनो पूजै,गणपति जान
भेंट करै दार,चाउँर धान
करै अगोरा , लेवय नाँव
हाथी आगे , हमर गाँव
आगू चलै,महावत भइया
धरै आँकुश, चढ़ै खेदइया
बबा कहै तँय, परले पाँव
हाथी आगे, हमर गाँव
मिनेश साहू
गंडई जिला राजनांदगांव
Comments
Post a Comment