निसैनी
निसैनी
बाबू जी जब जंगल जाये।
दू ठन बाँस काट के लाये।।
नाप-जोंख के छेद बनाये।
पक्ति ओमा सात लगाये।।
बने निसैनी रुचमुच सुग्घर।
माँगे आवय हमर गाँव भर।।
काम हमर वो अड़बड़ आये।
चढ़य पटउँहा छानी छाये।।
जगदीश "हीरा" साहू
बाल कविता - राकेश कुमार साहू
बाल कविता - राकेश कुमार साहू *पुतरा-पुतरी के बिहाव* होवत पुतरा -पुतरी के बिहाव। सुग्धर लागत हाबय गाँव । बइठे हे सब पीपर के छाँव। होवत पुतरा- पुतरी के बिहाव। नान नान लइका थारी बजावत हे। धरे हाबय करसा, मड़वा सजावत हे। माढ़े हे पर्रा, तेल हरदी चढ़ावत हे। चलव मांदी मा चना मुर्रा ला खाव। होवत पुतरा- पुतरी के बिहाव। सुग्धर लागत हाबय गाँव । राकेश कुमार साहू ग्राम सारागांव विकासखंड धरसींवा जिला-रायपुर छतीसगढ़
Comments
Post a Comment